Südtirol Mobil | Mobilità Alto Adige

N pass per duc, saurì, flessibl y dut ntëur mubil.

Damandëde śën vosc Südtirol Pass.

Formuler d’apusteda online

METËDE VERDA!

L VEDL ABUNAMËNT NE VEL NIA PLU!
 

Fasa de passaje

Chi che ne à mo nia giapà a d’ëura assé l Südtirol Pass possa, dai 14 de fauré nchin ai 31 de merz, furné cun i mesums de trasport publich cun la cherta valor normala (nia cun la chertes valor n abunamënt) ala medema tarifa de chëla dl Südtirol Pass (8 cent/kilometer). La chertes possa bele śën unì cumpredes pra la purteles de venduda de chertes. L possa nce unì adurvà chertes valor plu vedles sce les vel mo, nce te chësc cajo uniral ratà jù dai 14 de fauré la tarifa de 8 eurocent al kilometer.

L Südtirol Pass ciariabl possa unì ciarià su da śën demez cun na cherta de credit tres l conto de utënza persunel. Da n lunesc, ai 13 de fauré, saral puscibl ciarië l Südtirol Pass pra duta la purteles de chertes. L regulamënt de passaje: L Südtirol Pass possa unì nuzà dai 14 de fauré inant nce sce l ne ie mo nia unit ciarià. Al plu tert nchin ai 29 de fauré possen po ciarië la cherta; duc i viages che n à fat unirà trac ju suzessivamënter.

L Südtirol Pass muessa unì ativà dan che n furnea. Per chësta ativazion iel trëi pusciblteies: l’ativazion tres l cont-online. L ie assé dé ite l numer dl Südtirol Pass tl ciamp aposta; l’ativazion possa nce unì fata tres telefonn sota l numer 840 000 471, da dé sëura ie l numer dl Südtirol Pass y l numer de codesc fischel persunel, oradechël ie l’ativazion nce puscibla pra duta la purteles de venduda de chertes, da dé sëura ie nce te chësc cajo l numer dl Südtirol Pass y l numer de codesc fischel persunel.