cun la curiera dla posta svizera sun la trassa Mals al cunfin de stat
Nia furné debant ne possen:
cun la ferates sun la trassa Prëner-Dispruch
Chi possa pa se nuzé debant di mesuns publics?
i mutons sot ai sies ani y i mutons residënc tla provinzia che à bele cumplì sies ani, ma che ne va mo nia a scola, furnea debant. Ëi possa mé furné cun i mesuns publics sce acumpaniei da na persona de majera età.
la persones vierces y puech-udëntes residëntes tla Provinzia de Bulsan possa se nuzé debant di mesuns publics mustran su la tessera dla Union Vierces y puech-udënc.
persones residëntes tla Provinzia de Bulsan cun na nvalidità zevila de almanco 74% o persones che à n’autra sort de nvalidità, che n basa ala delibrazion dla Jonta provinziela n. 3755 di 9 d’utober 2000 vën ecuipareda al grado de nvalidità zevila dl 100%, persones residëntes tla Provinzia de Bulsan che per n handicap fisich permanënt ne ie nia bones de fé l registramënt pra i automac dla chertes, possa se nuzé di mesuns publics debant. Sun dumanda de chi che à la rejon y cun la documentazion dl dutor che ie debujën vëniel dat ora dal Ufize Trasport persones na cherta de zirculazion liedia (formuleres).
Sculées y sculeies che che tòl pert a barac culturei o scumenciadives umaniteres cun scoles dla provinzia possa se nuzé debant di mesuns de trasport publich - tl lim de tëmp de si permanënza. L ufize Trasport persones dà ora n’autorisazion a furné sun chëla che l ie dat sëura l tëmp te chël che i possa furné debant.
Persones che fej servisc de ulentariat zevil o soziel aldò dla lege provinziela di 19 d’utober 2004, n. 7 possa se nuzé debant di mesuns publics mustran su la cherta de recunescimënt dl servisc zevil o soziel.
La forzes dl ordenn ie autorisedes al trasport debant tl cheder de si servisc ënghe sce i furnea furnii n zevil.
L personal dla forzes armedes possa furné debant canche l ie de servisc y sce de viac cun l’uniforma.
