Südtirol Pass, n pass per duc

Südtirol Pass

L Südtirol Pass ie na cherta de viac eletronica, numinativa, nia trasferibla, da adurvé sun i mesuns dl trasport publich ntegrà Südtirol

Chi à pa l dërt de giapé l Südtirol Pass?

L Südtirol Pass possa unì damandà da duc i zitadins dla Union Europeica y dla Svizra o da chi che lëura o studieia tla Provincia de Bulsan.

Sun cie mesuns possen pa l adurvé?

L Südtirol Pass possa unì adurvà sun duc i mesuns dl trasport publich ntegrà dl Südtirol:

  • coriera;
  • furnaoies dl Renon, Jenesien, Kohlern, Vöran, Mölten, Maranza, furnadoia dla Mendula y ferata dl Renon;
  • ferates regiuneles per la trasses de cumpetënza tarifera dla Provinzia y nchin a Trënt;
  • sun la ferates regiuneles nchin a Dispruch y Lienz (dal Prëner y da Sanciana vëniel aplicà la tarifa stabilida dal gestëur dla ferata austriaca ÖBB).

Stlutes ora ie la ferates a destanza longia sciche Intercity, Eurocity, Euronight y la Frecces.

Co se l damandé

l Südtirol Pass possa mé plu unì damandà online:

     
DUMANDA D'EMISCION
     

Tl mumënt dla dumanda iel de bujën dé ju, ora che i dac persunei, nce:

  • l codesc fischel (sce l mancia l codesc fischel muessa la persona jì pra l’Agenzia dla Ntredes a se l damandé);
  • la coordinedes bancheres (IBAN, codesc SWIFT/BIC, banca y agenzia) per chi che chir ora la maniera de paiamënt bancher automatich (postpaid).

Tla fasa de dumanda iel de bujën mandé na copia dla cherta d'identità y, per chëi che uel paië tres adebitamënt sun cont curënt (postpaid), nce l formuler d’autorisazion al prelevamënt SEPA sotscrit.
L ie puscibl ciarië i documënc diretamënter dal account persunel; o sce no possi unì mandei tres posta tradiziunela, adurvan la cuverta cun la marca che la persona che fej dumanda à giapà adum cun la cherta.

L Südtirol Pass vën mandà per posta a duc chëi che se l damanda, adum cun la nfurmazions sun l'ativazion y l'adurvanza dla cherta.

I/La sudtirolejes scric/scrites ite tl register A.I.R.E. (Anagraf di talians residënc oradecà) de n chemun dl Südtirol possa damandé l Südtirol Pass mandan na e-mail al Ufize trasport persones dla Provinzia Autonoma de Bulsan: personenverkehr@provinz.bz.it.

Criazion de n account persunel sun l portal "Südtirol Pass"

Cun la relasceda dl Südtirol Pass o nce te n segondo mumënt iel puscibl crië n account online persunel sun l portal "Südtirol Pass" per pudëi azeder te uni mumënt ala nfurmazions sun i chilometri acumulei, sun la cunvalidazions y i viages fac, la reciariedes, l credit avanzà (prepaid) o la contes (postpaid), per damandé che l Südtirol Pass vënie blocà y/o duplicà y nsci inant.

Cost

L cost una tantum per l'emiscion dl Südtirol Pass ie de 20,00 euro.

Ativazion

L Südtirol Pass possa permò unì ativà y adurvà do che l ie unì paià l cost d’emiscion nunzià de sëura.*
L ativazion possa unì fata dal ntestater do che l à giapà tres posta l Südtirol Pass a una de chësta manieres:

  • online dal account persunel, dajan sëura l numer dl Südtirol Pass;
  • pra la purteles y la lueges de venduda autorisedes dl trasport publich ntegrà Südtirol o
  • cherdan su l call center Info Mubiltà 840 000 426 (dal lunesc al vënerdi: 9:00-13:00 y 14:00-18.00), dajan sëura - ora dl numer dl Südtirol Pass - nce l codesc fischel.

* Tl cajo de residënza oradecà y/o spedizion oradecà messerà l paiamënt di 20,00 euro unì fat danora. Te chësc cajo ie la sëula puscibltà de paiamënt online tres cherta de credit o tres adebitamënt sun l cont curënt de banca per l Südtirol Pass postpaid.

Tarifes

La tarifa per l Südtirol Pass depënd dai chilometri tariferes fac tl tëmp de un n ann y che vën acreditei sun l cont chilometrich dl utënt. La tarifa se defrenziea te chisc scialieres:

da 1 a 1.000 km 12 cent per km tarifer
da 1.001 a 2.000 km 8 cent per km tarifer
da 2.001 a 10.000 km 3 cent per km tarifer
da 10.001 a 20.000 km 2 cent per km tarifer
plu 20.000 km 0 cent per km tarifer

Tarifa mascima dl di de 15 euro

La tarifa mascima al di curespuend al priesc dla Mobilcard adulc per 1 n di. Chësc uel dì  che nce sce te un n di vëniel fat tan de chilometri che cun i chilometri tariferes nunziei de sëura a na maniera che l vën superà la soma de 15 euro, vëniel a uni moda adebità sun l Südtirol Pass al plu la soma de 15 euro. Sun l cont chilometrich vëniel acredità i chilometri curespundënc a chël priesc, aldò dl scialier tarifer dl tituler dl Südtirol Pass.
Chësta regula vën mé aplicheda per i viages fac tl raion de cumpetënza dl trasport publich ntegrà Südtirol.
La trasses dla ferata Prëner-Dispruch y Sanciana-Lienz, i viages cun i servijes Nightliner y l trasport dla roda vën calculei a pert.

Davia che per cie che reverda l trasport de tieres sun i mesuns publics vëniel aplicà la tarifa curespundënta a chëla de si propreter, tituler dl Südtirol Pass, vel la tarifa mascima de 15 euro nce per cians granc y mesans. Per l propreter y l cian vëniel nsci adebità de ndut al plu 30 euro. I chilometri relatifs al trasport tieres ne vën nia njuntei al cont chilometrich dl tituler dl Südtirol Pass.
Ezezion: Sun la furnadoies ntegredes Kohlern, Vöran y Meransen iel per i tieres tarifes y chertes a pert.

Co adroven pa l Südtirol Pass?

L Südtirol Pass ie na cherta de viac eletronica che vën lieta dai cunvalidadëures sce n la tën bel scëmpl permez (contactless – zënza cuntat).
Per de plu nfurmazions sun co cunvalidé i viages cialëde sun la plata "L sistem de cunvalideda contactless".

Maniera de paiamënt di viages

I viages fac cun l Südtirol Pass possa unì paiei te doi manieres:

  • tres adebitamënt bancher automatich y saurì (SEPA Direct Debit), aldò dla manieres stabilides tl cuntrat;
  • tres reciarieda periodica de n cont virtuel (tarifa minima 20 euro) da chël che l vën trat ju la soma per uni viac. Sce l valor avanzà ne tleca nia per curì la tarifa de viac damandeda, possen mpò finé l viac. La soma che n ie debit unirà trata ju dala reciarieda dl cont virtuel cun la rentegrazion dl valor restant minim de 10 euro.

Reciarieda (maniera de paiamënt prepaid)

La riciarieda dl Südtirol Pass possa unì fata:

La reciarieda minima ie de 20 euro.

Sce l credit va sot a nul NE iel NIA plu puscibl fé la reciarieda dl Südtirol Pass sun la corieres, ma l ie mo puscibl la fé al’autra manieres (dal account persunel, tres homebanking, pra na luegia de venduda autoriseda o pra la purteles de venduda automatiches), ma la reciarieda minima sarà de 30 euro mpede de 20 euro, ajache la cuntën nce la rentegrazion dl valor de restanza minim de 10 euro.

Validità y renuvamënt automatich

La validità dl Südtirol Pass ie de 1 n ann dala prima cunvalideda.

L renuvamënt dla cherta vën fat automaticamënter canche l destoma l ann de validità y n possa menadrë l'adurvé inant. Tl mumënt dl renuvamënt anuel vën l cont chilometrich dl Südtirol Pass metù a nul.

La chertes nia adurvedes per doi ani ndolauter dala data d’emiscion unirà dejativedes d'ufize pra la destumënza dl segondo ann che les ne vën nia adurves.

Dumanda de n duplicat

Tl cajo che la cherta Südtirol Pass va perduda o sce la vën rubeda o danejeda possel unì damandà n duplicat al cost de 20 euro.
Mé tl cajo de na cherta de viac ntiera ma che ne funzionea nia possel unì damandà na restampa debant pra la lueges de venduda autorisedes.

La dumanda de duplicat possa unì fata:

Mëtede verda: la dumanda de duplicat ne ie nia reversibla.

Rembursamënt

Tl tëmp de n ann dala destumënza dl Südtirol Pass iel puscibl mandé na dumanda de rembursamënt dla somes nia adurvedes. La cherta muessa te chësc cajo unì retuda.

Link: