Furnëde ncantëur te Südtirol cun i mesuns de trasport publics y cunescëde i vantajes dl sistem de trasport ntegrà
Furnëde te dut Südtirol cun i mesuns publics cun l abunamënt per persones de tëmp Südtirol Pass 65+
* Zitadins residënc tl Südtirol sëura i 65 ani. Te chësc cajo iel udù danora na regulamentazion de passaja y n avanamënt dl’età: tl 2011 à duc chëi de 60 ani l dërt de giapé l abo60+, tl 2012 duc chëi de 61 ani y nsci inant.
| Tarifa | Zitadins residënc tl Südtirol sëura i 65* ani | Zitadins residënc tl Südtirol sëura i 70 ani |
|---|---|---|
| Dumanda abunamënt nuef | 150,00 | debant |
| Duplicat | 20,00 | 50,00 |
L Südtirol Pass 65+ ie n abunamënt anuel che vel sun duc i mesuns publics dl Trasport Ntegrà Südtirol. Duc i zitadins sëura i 65* ani à la puscibltà de se spusté cun sauridanza sun dut l raion de nosta Provinzia y nce sëurora, cun la curiera, la ferata o la furnadoia. Y dut chësc cun na cherta de viac sëula.
La rejon a giapé l Südtirol Pass 65+
Cëla nce: Südtirol Pass 65+ nce per zitadins dl Südtirol che viv oradecà.
L Südtirol Pass 65+ vel:
Stlutes ora ie:
L Südtirol Pass 65+ ie na cherta persunela nia trasferibla.
Tl cajo de n cuntrol muessela unì mustreda adum cun n documënt de recunescimënt valëivl.
Dai 14.02.2012 alincontra utënc che à n Südtirol Pass 65+ à sun duc i mesuns de trasport mé drë de registré si viac pra l automat canche i sënta ite (pra l check in).
N po damandé do l Südtirol Pass 65+ tla lueges de venduda autorisedes dl Trasport Ntegrà Südtirol (cëla dessot):
Uni ann manda la Provinzia na lëtra de nfurmazion a chi che cumplësc 70 ani, adum cun n formuler de dumanda per l Südtirol Pass 65+ debant.
Sce n pierd l Südtirol Pass 65+ pon fé dumanda per giapé na copia al priesc de 20 euro. L formuler ie da giapé:
Südtirol Pass 65+ nce per zitadins cun residënza tl Südtirol che viv oradecà
La rejon de giapé l Südtirol Pass 65+ (sibe debant che al priesc de 150 euro) à nce i zitadins residënc tl Südtirol che viv oradecà, a cundizion che i sibe zitadins talians y scric ite al AIRE te n chemun de Südtirol. I nteressei possa ciarië ju l formuler da chësta plata web o damandé do tla lueges de venduda autorisedes o nce pra la KVW-Arbeitsstelle für Heimatferne (KVW - Südtiroler in der Welt- Arbeitsstelle für Heimatferne).
La SAD - Trasporto locale S.p.A. stamperà l abunamënt y l manderà per posta al’adres data sëura tl formuler dla dumanda.
