Stlù l cuntrat Südtirol Pass

Per stlù l cuntrat Südtirol Pass muessen jì pra la purtela dla chertes y scrì ora l formuler aposta. Do che n l à scrit ora l dàn ju pra la purtela adum cun la cherta dl Südtirol Pass.

Tl cajo de n account dla sort Postpaid (cun faturazion fata dadedò) ne iel nia de bujën fé mo zeche d’auter: la cherta unirà dejativeda y l debit amudlà nchin a chël mumët (sce l nen ie un) unirà adebità tla proscima fatura.

MËTËDE VERDA! Sce la cherta vën cunsenieda tl tëmp d’emiscion dla fatures pudëssa la stlujura se spusté al tëmp de faturazion suzessif; l utënt pudëssa perchël giapé nchin doi fatures do che l à dat ju si cherta.

Tl cajo de n account dla sort Prepaid (a reciarieda) iel de bujën dé sëura tl formuler i dac de banca de n cont atif. Chësc ie de bujën acioche i scioldi restei sun l cont virtuel prepaid posse unì retui do la calculazion finela.
Tl cajo che l resulteie n credit (ala fin saldo de > 0) unirà chësc retù tres trasferimënt bancher.
Tl cajo che l resulteie n debit (ala fin saldo < 0) uniral scrit ora na fatura cun la soma de debit che ie da paië tres trasferimënt bancher.
Tl cajo che l utënt ne n’à nia n cont bancher muessel jì tla sënta dla STA - Südtiroler Transportstrukturen AG per giapé la defrënzia, for do l calcul dl saldo ala fin.

MËTËDE VERDA! Do avëi dat ju la cherta muessen aspité nchin 3 mënsc dan che la soma de rest vënie retuda (sce l ie n credit) o dan che l vënie dat ora la fatura (sce l resultea n debit). Chësta tardivanza ie de bujën per avëi la calculazion segura, drëta y definitiva de duta la transazions fates.