Limitazions per l trasport - la segurëza muessa unì garantida

Tò pea la roda: ulà y tantes?

Ferates regiuneles: L ie puscibl tò pea la roda a cundizion che l sibe lerch assé. Tla ferates regiuneles possel unì traspurtà n 16-20 rodes ti cumpartimënc dla ferata che ie preudui per l trasport dla rodes. L ne ie nia de bujën de resservé na luegia.

Nce pervia dla segurëza iel problematich sce l vën adum truepa rodes tla stazions y sun la ferates. Tl cajo che l ie massa rodes possa l personal dla ferates perchël ne lascé nia tò pea la roda. L ne ie deguna garazia che duc i passajires possa senté ite tla ferata nce sce i à na cherta de viac che vel.

Curieres regiuneles: Pervia dla segurëza iel mé puscibl tò pea vel’ roda, roda da plië o monoroda sce l ie lerch assé tl cumpartimënt di cufri. N valguna curieres regiuneles à lueges per la pucaja ulache l possa unì metù ju vel’ roda. Ma suvënz à la curieres al didancuei na ntreda cun na plataforma bassa y perchël ne ie l trasport de rodes nia puscibl.

Portarodes cun na lerch per n 5 - 6 rodes iel da d’ansciuda nchin d’autonn 2020 sun chësta linies dla curieres:

  • Linia 273 Mals – Martina (nchin ai 08.11.2020)
  • Linia 245 Maran – Ulten – Lana (nchin ai 08.11.2020)
  • Linia 321 Persenon – St. Andrä – Palmschoß (nchin ai 29.11.2020)

La fermedes, ulache la rodes possa unì ciariedes, ie senialedes tl plan di orares cun l simbul dla roda.

Curieres de zità y Citybus: Tlo ne possen nia tò pea la roda.

Furnadoies dla Südtirolmubiltà: Per tò pea la roda tla furnadoies dl Renon y de Jenesien sciche nce tla furnadoia dla Mendula velel la chertes y la tarifes dl trasport publich local dl Südtirol. Pra la furnadoies de Kohlern, Vöran, Mölten y Meransen iel chertes de viac y tarifes extra.