Furnëde ncantëur te Südtirol cun i mesuns de trasport publics y cunescëde i vantajes dl sistem de trasport ntegrà
Sce ëis dumandes particuleres che reverda l orar o la tarifes a chëles che la plates dl SII ne ve à nia dat resposta, pona pudëis damandé do pra i Ufizies nfurmazions di cunzesciuneres dl Trasport Ntegrà Südtirol.
Per cuestions che cumporta n mpëni ora dl solit per nosc servijes de linia, schiche p.e. i viages de grupa, ve prions bel de damandé do te nosc ufize nfurmazions.
Ve prion nce de tlarì bel dantaprima, sce puscibl online, dumandes eventueles n cont dla tarifes y dl trasport de cufri.
Te na gran azienda iel puscibl che zeche ne vede datrai nia sciche l toca. Ne desmincëde nia che te nosc sistem de trasport ntegrà iel truepa sozieteis de trasport che se à metù adum per pité n servisc scemplificà. A uni moda resta uni sozietà de trasport respunsabla per l servisc che ëila pieta. Tl cajo de lamentanzes ve prions perchël de lecurdé y auzé ora sun ciuna linia y can che sëis furnei.
Nosc Servisc de Assistënza Tlienc (service@sii.bz.it) se mpenierà de mandé inant vosta lamentanzes al destinater de cumpetënza.
