Südtirol Pass 65+

Südtirol Pass 65+

L Südtirol Pass 65+ ie n documënt de viac sun inuem y l ne ie cundechël nia trasferibl.

Chi che nen à l dërt

La rejon de giapé l Südtirol Pass 65+ à:

  • la persones sëura 65 ani residëntes tla provinzia de Bulsan y
  • la persones dl Südtirol sëura i 65 ani che viv oradecà. La cundizion ie che les ebe la zitadinanza taliana y che les sibe scrites ite tl AIRE te n chemun dl Südtirol.

Sun ce mesuns che n possa furné

L Südtirol Pass 65+ vel

Stlutes ora ie:

  • la ferates a destanzes longes (sciche Intercity, Eurocity, Frecce di Trenitalia, Euronight) y
  • la ferates dla trassa Prëner-Dispruch y S. Candido-Lienz.

Sce ëis n Südtirol Pass 65+ cun servijes de njonta a paiamënt pudëis furné cun la ferata nchin a Dispruch o Lienz (dal Prëner y da Sanciana vëniel aplicà la tarifes dl ÖBB per la ferates regiuneles tl Tirol). l resta stlut ora la ferates a destanza longia.

Co se l damandé

L Südtirol Pass 65+ possa unì damandà pra la purteles de venduda autorisedes dl Trasport Ntegrà Südtirol se nuzan de chësc formuler.

La persones dl Südtirol che viv oradecà possa ciarië ju l formuler nce dala plata "KVW-Arbeitsstelle für Südtiroler in der Welt" (Sudtirolejes ora per l mond).

Tant che l costa

L Südtirol Pass 65+ ie na cherta a tarifa forfetera.

  • Per persones dai 65 ai 69 ani cumplii ie la tarifa de 150 euro al ann.
  • Per persones dai 70 ai 74 ani cumplii ie la tarifa de 75 euro al ann (cëla “Despusizion transitora”)
  • Per persones dai 75 ani cumplii insù ie la tarifa de 20 euro al ann.

Despusizion transitora

La tarifa de 75 euro al ann vën nvieda via gradualmënter nchin dl 2020:

  • tl 2017: la persones che à 70, 71 y 72 ani (uel dì chëles nasciudes tl 1947, 1946 y 1945);
  • tl 2018: la persones che à 70, 71, 72 y 73 ani (uel dì chëles nasciudes tl 1948, 1947, 1946 y 1945);
  • tl 2019: la persones che à 70, 71, 72, 73 y 74 ani (uel dì chëles nasciudes tl 1949, 1948, 1947, 1946 y 1945).

Tarifa de 20 euro al ann:

  • duta la persones nasciudes dan l 1945;
  • tl 2020: la persones che à 75 ani.

Maniera de paiamënt

L paiamënt dla tarifa al ann vën fat tl mumënt che n va a tò la cherta pra la purtela de venduda.

Ativazion servijes de njonta

Per l'ativazion di servijes de njonta a paiamënt jide ala plata dumanda online.

Tan giut che l vel y renuvamënt

L Südtirol Pass 65+ vel un n ann dala data de emiscion.

La cherta ie da runuvé uni ann. L renuvamënt possa unì damandà a pië via da n mëns dan la destumeda nchin a n ann do la destumeda pra la purteles de venduda autorisedes dl Trasport Ntegrà Südtirol. L tleca mustré la cherta y paië la tarifa anuela curespundënta.

L ie nce puscibl renuvé la cherta online cun cherta de credit.

Sce l renuvamënt vën damandà dan la destumeda puderà la cherta unì adurveda inant, sce l renuvamënt vën damandà canche la cherta ie bele destumeda saral de bujën aspité almanco 24 ëura dan che n possa inò la adurvé.

Co bloché la cherta

Mé tl cajo che l vënie rubà o perdù l Südtirol Pass 65+ cun servijes de njonta a paiamënt iel puscibl l bloché:

  • online dal account persunel o
  • cherdan su l call center 840 000 426 (dal lunesc al vënerdi dala 9:00 ala 13:00 y dala 14:00 ala 18:00).

Metëde verda: sce n à n iede blocà la cherta ie chësc iriversibl.

Dumanda de n duplicat

Sce n pierd, l ie unit rubà o n à danejà l Südtirol Pass 65+ possen fé dumanda de n duplicat al priesc de 20 euro.

L formuler ie da giapé:

Tl cajo che n à n Südtirol Pass 65+ cun servijes de njonta a paiamënt iel nce puscibl damandé n duplicat online dal account persunel.

Ciuna che sibe la maniera de fé dumanda – l ie mpò for de bujën de dé sëura la purtela de venduda ulache n uel jì a se tò la cherta. I duplicac ne vën defati mei mandei a cësa.

La cherta nueva vën data tla mans bele ativeda y la possa perchël unì adurveda debota.

Mé sce la cherta resultea vester ntiera y nia ruineda y la ne funzionea nia iel puscibl se damandé che la vënie stampeda mo n iede da nuef pra na purtela de venduda autoriseda.

Trasport de rodes y/o tieres

Per nfurmazions cialé chësta plates:

Südtirol Pass 65+ y Nightliner

L servisc possa mé unì nuzà da chi che à n Südtirol Pass 65+ cun servijes de njonta a paiamënt. Per nfurmazions consulté la plata: "Südtirol Pass y Nightliner".

Südtirol Pass 65+ y ÖBB-Vorteilscard

L servisc ie mé per chi che à n Südtirol Pass 65+ cun servijes de njonta a paiamënt. Per nfurmazions consulté prëibel la plata: "Südtirol Pass y ÖBB-Vorteilscard".

Co l nuzé

Per nfurmazions cialëde la plata "Sistem contactless".

Tl cajo de cuntrol

L Südtirol Pass 65+ ie n documënt de viac sun inuem y l ne ie nia trasferibl. Tl cajo de cuntrol muessel unì mustrà adum cun n documënt de identità che vel.

Per de plu nfurmazions cialëde sun la plata "Sanziuns a ciaria dles passajiers y di passajiers di sorvisc de trasport publich" (articul 50 dla lege provinziala n. 15 di 23.11.2015).

Link: