Südtirol Pass abo+

Südtirol Pass abo+

Tarifa anuala Südtirol Pass abo+:

  • 20 euro por scolares y scolars dla scora elementara, mesana y alta y por che che frecuentëia la scora profescionala o na formaziun de basa tl setur sozial a tëmp plëgn y lerneres y lerneri che n’á nia ciamó complí 18 agn y che fej la scora profescionala presentaziun dla domanda, 18 agn);
  • 150 euro por studëntes y studënc universitars, lerneres y lerneri che fej la scora profescionala, por che che fej na scora serala y che che frecuentëia na formaziun de basa söl laur tl setur sozial.

Dumanda online per la emiscion o l renuvamënt dl SüdtirolPass abo+

La dumanda per la prima emiscion o l renuvamënt possa mé unì prejenteda online tl tëmp dal 1 de mei ai 31 de dezëmber dl ann per chël che n fej dumanda:

     
DUMANDA ONLINE per la emiscion o l renuvamënt
     

Por scolares y scolars de mëndra eté vëgn la domanda fata da n genitur o dala porsona che á l’autorisaziun al’educaziun.

La domanda mëss indere gní fata dala scolara o dal scolar sce ara se trata de na porsona de majera eté.

Les tesseres nöies stampades al scomenciamënt dl ann scolastich ti gnará ince tl dagní ortiades ala scora dada dant canche an á fat domanda.
Les tesseres nöies por studëntes y studënc universitars y che che fej na scora defora dla provinzia mësson jí a tó pro le punt de venüda autorisé dl Sistem de Trasport Integré Südtirol chirí fora.

Ara jará ince, canche che an fej domanda o te n secundo momënt, da ativé n account cun chël che an ti röia pormez a chisc sorvisc online:

  • consulté la situaziun dla tessera abo+;
  • visualisé iadi eventuai cun i sorvisc a paiamënt;
  • mudé la modalité de paiamënt;
  • ativé/dejativé i sorvisc implü;
  • damané n duplicat/bloché la tessera;
  • mudé/ajorné i dac anagrafics.

Paiamënt Südtirol Pass abo+

Al vëgn calcolé la tarifa anuala che ti corespogn al momënt dla domanda.

Le paiamënt pó gní fat cun les modalités scrites dessot:

Prepaid:

  • online cun cherta de credit
  • tres internet-banking cun les banches abilitades
  • pro les portines y i punc de venüda autorisá dl Sistem de Trasport Integré Südtirol

Postpaid: al vëgn adebité sön le cunt corënt bancar (SEPA Direct Debit).

Metede averda:

  • Le Südtirol Pass abo+ nia renové ne vel nia plü dai 15 setëmber inant. Sön le display dl aparat da obliteré gnarál sö te chësc caje l'imaja de “tessera tomada”.
  • Sce al é gnü renové online tres le sit, mo nia ciamó paié, gnarál sö dai 15 setëmber sön le display dl aparat da obliteré l'imaja “Euro 0” - credit rové.

Sorvisc implü a paiamënt por l’abo+

Canche an scrí fora la domanda online pó les porsones che fej domanda chirí fora sce ativé chisc sorvisc implü a paiamënt.

Check in/Check out: Ara funzionëia avisa sciöche cun le Südtirol Pass normal porchël messarán fá le check-out sön i mesi extraurbans y dé dant le codesc dl travert tla staziun olache an pëia ia por i iadi cun la ferata.
Por adoré i sorvisc implü vál debojëgn da ciarié sö le Südtirol Pass abo+ (tarifa minima 20 euro) o chirí fora la modalité de paiamënt postpaid.

Duplicat Südtirol Pass abo+

Les scolares y i scolars é responsabli dla conservaziun dla cherta de iade, dantadöt ciaran da schivé les condiziuns che podess fá a na moda che al ne vais nia plü da lí i dac lassura.
Sce le Südtirol Pass abo+ vëgn tut, o sce an le perd o le rump mësson damané do n duplicat. Le duplicat costa 20 euro sciöche spëises aministratives.
Ma sce la cherta de iade é ciamó intiera mo ne vá nia, ciafon na tessera nöia debann. Te chësc caje jide prëibel dala scora.
Les studëntes y i studënc universitars y les scolares y i scolars che frecuentëia na scora defora dla provinzia pó jí pro un di punc de venüda autorisá dl Sistem de Trasport Integré Südtirol.

La domanda de duplicat pó gní fata:

  • online dal genitur (sce la scolara o le scolar n’á nia complí 18 agn) o diretamënter dala scolara o dal scolar (sce la scolara o le scolar á complí 18 agn) tres l’account por le Südtirol Pass abo+;
  • tres le secretariat scolastich por les scores dl Südtirol;
  • tres le Call Center 840 000426 (dal lönesc al vëndres: 9:00-13:00 y 14:00-18:00);
  • pro les portines y i punc de venüda autorisá dl Sistem de Trasport Integré Südtirol.

Important

  • Scolares y scolars che fej na scora tla provinzia de Balsan podará chirí fora canche ares/ai fajará la domanda de duplicat, sce jí a do la tessera nöia te süa scora o te un di punc de venüda autorisá dl Sistem de Trasport Integré Südtirol.
  • Studëntes y Studënc universitars y scolares y i scolars che frecuentëia na scora defora dla provinzia podará canche al gnará fat la domanda de duplicat, ma chirí fora un di punc de venüda autorisá dl Sistem de Trasport Integré Südtirol por jí a le do.

Paiamënt dl duplicat:

  • Sce le contrat é Postpaid (chël ó dí che le cost vëgn adebité sön le cunt corënt bancar), gnará le cost dl duplicat ajunté tla fatura.
  • Sce le contrat é Prepaid (chël ó dí da ciarié sö) messarán paié pro un di punc de venüda autorisá dl Sistem dl Trasport Integré Südtirol te 15 dis.

Metede averda:

  • Sce le duplicat ne vëgn nia paié te 15 dis vëgn la tessera blocada.
  • Te degun caje ne paion a scora.

Da savëi

  • Les mitans y i mituns y les jones y i jogn che ne complësc nia 27 agn l’ann che ares/ai fej domanda (chël ó dí cina ai 31 de dezëmber) á le dërt da ciafé le Südtirol Pass abo+.
  • La tessera vel tres dal 1. de setëmber cina ai 15 de setëmber dl ann dedô.
  • Le Südtirol Pass abo+ é n documënt de iade cun l’inom, che ne po nia gní dé inant, che an pó adoré sön düc i mesi dl sistem de Trasport Integré Südtirol, danter chisc les ferates regionales cina al Prener, Vierschach y Trënt.
  • Le Südtirol Pass abo+ mëss gní convalidé vigni iade che an sënta sö sön n meso dl trasport publich (check in). Le check out ne va nia debojëgn.
  • Le Südtirol Pass abo+ cun i sorvisc implü a paiamënt ativá mëss gní obliteré sciöche n Südtirol Pass normal (check-in / check-out).
  • Tl caje de control mëss les jones y i jogn che á complí 14 agn mostré sö cun le Südtirol Pass abo+ n documënt d’identité varënt (articul 50 dla lege provinziala n. 15 di 23.11.2015).

Link: