Nosta tarifes

Tl sistem de trasport ntegrà de Südtirol iel doi sortes de tarifes de viac:

  • tarifa de viac sun basa chilometrica;
  • tarifa per chertes de viac a tëmp, che vën defineda ndependëntmënter dai chilometri fac.

Tarifes de viac sun basa chilometrica

La tarifa de viac sun basa chilometrica vën calculeda aldò di chilometri fac, tla rë provinziela dla linies y cun la tarifes chilometriches, stluta ora la trassa tl’Austria (Prëner-Dispruch y Sanciana-Lienz), per chëla che l vën aplicà la tarifa stabilida cun acurdanzes aposta.

Per uni viac vëniel calculà almanco 10 chilometri.

La tarifes chilometriches ie fissedes nsci:

  • cherta scëmpla: 15 cent per chilometer, turondà ai 50 cent dessëura;
  • cherta valor: 12 cent per chilometer, turondà ai 0,01 euro dessëura;
  • Südtirol Pass: 12, 8, 3, 2, 0 cent per chilometer, turondà ai 0,01 euro dessëura;
    EuregioFamilyPass: 10, 7, 2, 2, 0 cent per chilometer, turondà ai 0,01 euro dessëura.
    Per nfurmazions sun scialieres tariferes y tarifa al de mascimala cialëde la plata "Südtirol Pass" y "EuregioFamilyPass".

La tarifes per la chertes de viac sun la furnadoies, ora che la tarifes per la chertes scëmples ie calculedes n basa ala destanzes cunvenziuneles (chilometri tariferes).

Per i cunliamënc urbans vëniel calculà chësta tarifes al chilometer:

  • ti raions tariferes de Bulsan y Maran: 10 chilometri tariferes;
  • te duc i autri raions tariferes: 5 chilometri tariferes cun Südtirol Pass, 10 chilometri tariferes cun cherta valor.

Tarifes per chertes de viac a tëmp

  • Südtirol Pass abo+ per studënc y lerneri
    Tarifa anuala: 20 euro o 150 euro
    Cëla: Südtirol Pass abo+
  • Südtirol Pass 65+ per persones atempedes
    Tarifa anuala: 150 euro (65 - 69 ani), 75 euro (70 - 74 ani), 20 euro (da 75 ani inant)
    Cëla: Südtirol Pass 65+

Trasport debant

Cëla: Adurvanza debant di mesuns publics.

Link: